Manzil

Roshni ki ungali tham,
ik kadam hum jo chale the

Dum ujalon k sheher k
har kadam humne bhare the

Par andekha kar dooriyo ko,
zid pe apni hum ade the

Dur se dikhti thi manzil,
fasle thode bade the

Thi lagan, paane ki manzil,
dar na ab toofan ka tha

Dagmagai jab bhi kashti,
patwar le hum bhi date the

Badhte badhte is tarah se,
manzilo ka rukh yu samjha

Lehere hi nahi chal rhae thi,
kinare bhi sang me bahe the

Yu laga ik pal ko jese,
hum kahin pe tham gaye the

Dikh to ab bhi rahi thi manzil,
par fasle ab bhi wahi the

Har mashakkat kar ke bhi,
jab door utni hi h manzil

Soch kar ab ho achambhit,
bich dariya me khade the

Fir achanak man me aya,
 mud ke piche dekhte hn

Aur mudte i aya samajh ke,
manzil se raste bhale the

Chalte chalte jane kitni
par kar li thi manzilen

Nayi manzil dikhti thi wo,
har roz jiske liye badhe the

Composed by: aayushi kapoor